流水帐

【呢篇嘢应该系上上个礼拜就写上来嘅,不过自己唔记得咗。本来唔想贴上来,不过呢D系自己个阵时嘅心情同感受,照自己嘅风格系唔愿意漏咗嘅,无论好定衰,都要如实记录自己每个时期嘅感觉同心情,所以都系补贴上来喇。唔代表系自己宜家嘅心情噶!:)】
 
哎,呢排都唔知点,总之成日都觉得有D唔爽,有D唔顺,但系念吓又无咩特别嘅事发生,过得晕晕沌沌。于是想学吓盘大叔(学阿YIUYIU甘叫哈)写篇流水帐,而且决定用好适合抒发D甘嘅心情嘅广东话来写,第一次啊,大家见笑啦~~
 
前两个礼拜NIKE过来搞咗个校园活动,跑步有积分,跟住可以换距地D袜啊衫啊鞋啊。计计吓如果要对鞋嘅话,我要跑 12r/d x 400m/r x 10d 甘多,有D恐怖;睇吓件衫,只要跑 6r/d x 400m/r x 10d 就得喇,袜咧就太无挑战性喇,所以我就决定跑件衫翻来。其实日日下午系D舒服嘅阳光下面跑跑步感觉真系唔错噶!念吓自己自从上大学甘耐都无甘锻炼过,个两个礼拜真系有D好充实嘅感觉,觉得精神状态都好好多,唔知系系心理作用咧:P   寻日下午仲专登行去徐家汇罗咗件衫翻来,顶,早知甘核突就唔跑喇!不过都算有个小纪念喇~~
 
前两日去揾复旦微电子公司,因为礼拜五下午要带我地组D同学去参观,整数逻课果个presentation。我自己踩住部单车,兜咗好大个圈成半个几钟,终于揾到,几有成就感,点知翻去果阵先知原来自己兜咗远路,其实得10分钟左右车程姐~~哎,原来自己系傻傻吓~~不过其实甘样自己踩车揾个地方,真系几刺激几好玩噶!
 
今日第一二节数逻实验课,第一次实验预习报告无写晒,唔知个老师点解甘有心情硬系要呢节课检查预习报告。。。。哎,无语喇!好黑啊~~
 
今晚去光华西辅楼下面开会,系度等嘅时候,居然有pair情侣系隔离嗌交,个男嘅好鬼激动,讲嘢讲得好大声,仲咩嘢都爆晒出来,几乎han埋,总之完全控制唔到自己嘅情绪,个女仔好似被吓嗔,好难过又唔知点做,得系度han。。。。真系未见过甘嘅场面啊,我都有少少俾吓嗔。。。。走咗之后觉得,死喇,自己越来越八卦添。。。。
 
跟住我踩车经过三教,无意间见到某个角落头个度企住个好熟悉嘅身影,好似啱啱开会个阵先见过嘅我地专业嘅某位高大威猛英俊倜傥(有少少夸张不过人地真系几靓仔噶)嘅男生,啱想打个招呼,距一转过身,黑暗中闪过一点火星,距竟然系度食烟!我差D就从部车度晕落来。。。。他见到我好从容甘同我打声招呼。我翻到宿舍先见到距发俾我嘅一条短训“做作业做得太郁闷了,保密喔~~”哎,今日我先系个写住“做个无烟80后”嘅横幅上签名,点解甘快就俾我见到D甘嘅嘢。。。。后面念念吓觉得自己好似有D过于紧张,见到人地食烟好似见到人地吸毒甘。。。。不过无论点讲,食烟,都系唔系甘好嘅一件事,大家都系要多D爱惜自己嘅身体啊!
 
呢篇嘢好似有少少无聊喔~~唔似我以前嘅风格~~最后都系要讲D“有聊”D嘅嘢喇~~
 
又进入期末考试月喇!呢个学期过得真系好快啊~~好挂住屋企啊~~想快D翻去饮汤喇!:)
 

4 thoughts on “流水帐

  1. 虫..

    啊啊啊啊啊啊啊啊~~~粉mama居然~~~!!!!啊啊啊啊啊~~
    太阳要从西边出黎喇~!!!!

    Reply
  2. 惠婵

    太好玩啦李稳终于用广东话写日志啦~让我不禁想起你唱《女人味》的样子……
    “顶,早知甘核突就唔跑喇!”原来你也会说粗口的哦~~呵呵

    Reply
  3. Unknown

    Hi,Do you need digital signage, digital sign, ad players and ad displays? Please go Here:www.amberdigital.com.hk(Amberdigital).we have explored and developed the international market with professionalism. We have built a widespread marketing network, and set up a capable management team dedicated to provide beyond-expectation services to our customers.

    amberdigital Contact Us
    E-mail:sstar@netvigator.com
    website:www.amberdigital.com.hk
    alibaba:amberdigital.en.alibaba.com[fdicicfcafaba]

    Reply

Leave a Reply

Your email address will not be published. Required fields are marked *